mahesh babu

సూపర్ మహేష్ బాబు మళ్లీ పనిలో పడనున్నారు. ‘స్పైడర్’ రిలీజ్ తర్వాత ‘భరత్ అను నేను’ సినిమా షూటింగ్ నుంచి బ్రేక్ తీసుకొన్న మహేష్ బాబు ఫ్యామిలీతో కలిసి ఫారిన్ ట్రిప్’కి చెక్కేసిన విషయం తెలిసిందే. ఆ ట్రిప్’కి సంబంధించిన కొన్ని ఫోటోలు సోషల్ మీడియాలో హల్ చల్ చేశాయి కూడా. ఇప్పుడు మహేష్ ఫారిన్ టూర్ ని ముగించుకొని తిరిగి రానున్నారు. వచ్చి రాగానే మళ్లీ ‘భరత్ అను నేను’ షూటింగ్ లో జాయిన్ కానున్నారు.

ఈ సినిమా తదుపరి షెడ్యూల్ ఈ నెల 15నుంచి మొదలుకానుంది. ఇప్పటికే అందుకు గల ఏర్పాట్లు కూడా పూర్తయ్యాయి. ఈ షెడ్యూల్ లో మహేష్ బాబు, హీరోయిన్ కైరా అద్వానీ కూడా పాల్గొననున్నారు. ‘శ్రీమంతుడు’ తర్వాత కొరటాల-మహేష్ కలయికలో వస్తోన్న చిత్రం కావడంతో ‘భరత్ అను నేను’పై ప్రేక్షకుల్లో భారీ అంచనాలున్నాయి. ఇందులో మహేష్ ఏకంగా ముఖ్యమంత్రి పాత్రలో కనిపించనున్నారు.

ఈ చిత్రానికి సంగీతం దేవిశ్రీ ప్రసాద్. ఈ సినిమాని వచ్చే యేడాది సంక్రాంతి కానుకగా ప్రేక్షకుల ముందుకు తీసుకొచ్చేందుకు ప్రయత్నాలు జరుగుతున్నాయి.

Latest News