సంక్రాంతి సినిమాల సందడి మొదలైంది. సంక్రాంతి రేసులో ముందుగా మెగాస్టార్ చిరంజీవి దూకారు. మెగాస్టార్ ‘ఖైదీ నెం.150’కి హిట్ టాక్ రావడంతో సంక్రాంతి సందడి డబుల్ అయ్యింది. రేపు బాలయ్య ‘శాతకర్ణి’ రాబోతున్న... ‘కాటమరాయుడు’ సంక్రాంతి ముహూర్తం

katamarayudu first look
సంక్రాంతి సినిమాల సందడి మొదలైంది. సంక్రాంతి రేసులో ముందుగా మెగాస్టార్ చిరంజీవి దూకారు. మెగాస్టార్ ‘ఖైదీ నెం.150’కి హిట్ టాక్ రావడంతో సంక్రాంతి సందడి డబుల్ అయ్యింది. రేపు బాలయ్య ‘శాతకర్ణి’ రాబోతున్న విషయం తెలిసిందే. దీంతో.. ఈ సంక్రాంతి సందడి పీక్స్ చేరిపోవడం ఖాయం. పవర్ స్టార్ పవన్ కళ్యాణ్ కూడా సంక్రాంతి వేళ అభిమానులని అలరించబోతున్నాడు.

పవన్ తాజా చిత్రం ‘కాటమరాయుడు’ టీజర్ సంక్రాంతి కానుకగా రిలీజ్ చేయనున్నారు. ముహూర్తం కూడా కుదిరింది. ఈ నెల 14వ తేదీ రాత్రి 7 గంటలకి కాటమరాయుడు టీజర్ రిలీజ్ కానుంది. ఇప్పటికే కాటమరాయుడు ఫస్ట్ లుక్ రిలీజైంది. ఫస్ట్ లుక్ పై కాపీ మరక అంటింది. దీంతో.. టీజర్ తో చిత్రంపై అంచనాలు పెంచేందు చిత్రబృందం ప్లాన్ చేస్తోంది. ఈ క్రమంలో కాటమరాయుడు టీజర్ ని సూపర్భ్ గా డిజైన్ చేసినట్టు చెబుతున్నారు.

డాలీ దర్శకత్వంలో తెరకెక్కుతోన్న ‘కాటమరాయుడు’లో పవన్ సరసన శృతిహాసన్ జతకట్టనుంది. ఫ్యాక్షన్ నేపథ్యంలో తెరకెక్కుతోన్న చిత్రమిది. ఇందులో పవన్ ఫ్యాక్షన్ లీడర్ గా కనిపించబోతున్నారు. ఈ చిత్రానికి సంగీతం అనూప్ రూబెన్స్. శరత్ మరార్ నిర్మాత. అన్నట్టు.. కాటమరాయుడు మార్చిలో ప్రేక్షకుల ముందుకు రాబోతున్నాడు.

లేటెస్ట్ గాసిప్స్